2026 жылғы 03 наурызда Республикалық заң консультанттары алқасының (РЗКА) құрамына кіретін Ақмола облысы заң консультанттары палатасының мүшесі А.З. Тастамбеков Ақмола өңірлік «Әділетті және прогрессивті Қазақстанның халықтық Конституциясы үшін» жалпыұлттық коалициясы штабының мүшелерімен бірлесіп, «Қоғамдық Келісім» қоғамдық бірлестігінің өкілдерімен кездесу өткізді.

Кездесудің негізгі тақырыбы Қазақстан Республикасы Конституциясының ережелері және оның қоғам өміріндегі маңызы болды.

Кездесу барысында құқықтық мемлекетті нығайту, әділеттілік қағидаттарын сақтау және елдің жалпыұлттық құндылықтар негізінде дамуы мәселелері талқыланды.

Қатысушылар конституциялық нормаларды жүзеге асыруда бірлік пен белсенді азаматтық ұстанымның маңыздылығын атап өтті.

Кездесу іскерлік әрі сындарлы жағдайда өтті. Тараптар алдағы уақытта ынтымақтастықты жалғастыруға және халық арасында ақпараттық-түсіндіру жұмыстарын жүргізуге дайын екендіктерін білдірді.

Іс-шараның жалпы қамтылуы – 15 адам.