2025 жылғы 12 қыркүйекте Республикалық заң консультанттары алқасы Астана қалалық сотының судьясы Роза Мырзакуловна Ертаеваның қатысуымен «Азаматтық істер бойынша кассациялық шағымдар беру тәртібі» тақырыбында вебинар өткізді.

Кездесу барысында спикер кассациялық шағымдарды беру тәртібі мен мерзімдерін, олардың мазмұнына қойылатын талаптарды, сондай-ақ соттардың мұндай істерді қарау тәжірибесін жан-жақты түсіндірді. Процессуалдық құжаттарды дайындау кезінде болдырмау керек типтік қателерге ерекше назар аударылды.

Вебинарға Қазақстанның әртүрлі өңірлерінен 200-ден астам заң консультанты қатысты. Қатысушылар өзекті тақырыпты таңдағаны үшін Алқаға алғыстарын білдіріп, оқу іс-шараларының циклін жалғастыруға қызығушылық танытты.

2025 жылдың басынан бастап Республикалық алқа судьялардың, практик заңгерлердің және мемлекеттік органдар өкілдерінің қатысуымен 20 тегін вебинар өткізді. Іс-шаралардың тақырыптары заң консультанттарының сұраныстарын ескере отырып анықталады. Тақырыптар бойынша ұсыныстарды info@rcla.kz электронды поштасына жіберуге болады