2025 жылғы 9 шілдеде Қазақстан Республикасы Конституциясының 30 жылдығына арналған «Ата Заң – тәуелсіздік тірегі» ұлттық іс-шаралар жоспары аясында Шымкент қаласында көшпелі сараптамалық кездесу өтті.

Шараға Қазақстан Республикасы Парламенті Сенатының депутаттары, Конституциялық Соттың төрағасы мен судьялары, Бас прокуратура өкілдері, сондай-ақ заң саласының өзге де өкілдері қатысты.

Кездесу аясында Республикалық заң консультанттары алқасының құрамындағы Шымкент қаласы заң консультанттары палатасы төрағасының орынбасары Бауыржан Маханов баяндама жасады.

Сондай-ақ сарапшылар Конституцияның тәуелсіз Қазақстанның дамуына қосқан үлесін, азаматтардың құқықтарын қорғау мен құқық үстемдігін қамтамасыз ету мәселелерін, сондай-ақ мемлекеттік органдар мен қоғам арасындағы өзара іс-қимыл тетіктерін талқылады.