2026 жылғы 22 мамырда Республикалық заң консультанттары алқасының құрамына кіретін Шығыс Қазақстан облысы бойынша заң консультанттары Палатасы 238-атқыштар дивизиясының 30-гвардиялық атқыштар дивизиясы болып қайта құрылуының және оның Қызыл Ту орденімен марапатталуының 84 жылдығына арналған еске алу іс-шарасын өткізді.
Іс-шара жас ұрпақтың адамгершілік және патриоттық тәрбиесін дамытуға, тарихи жадыны сақтауға және Ұлы Отан соғысы қатысушыларының ерлігіне құрмет көрсетуге бағытталды.
Кездесуге мектеп оқушылары мен Өскемен қаласының тұрғындары қатысты. Іс-шара жүргізушілері ретінде ШҚО бойынша заң консультанттары Палатасы Басқармасының мүшесі В.А. Полушкин және Палатаның тәртіптік комиссиясының мүшесі Г.М. Берекполова сөз сөйледі.
Іс-шара барысында қатысушыларға 238-атқыштар дивизиясының жауынгерлік жолы, оның Мәскеу мен Тула қорғанысына қатысуы, сондай-ақ Ұлы Отан соғысы жылдарындағы қазақстандықтардың ерліктері туралы айтылды.
Кездесу аясында №15 орта мектептің директоры Ракишева Гүлмира Байғалиқызына 238-ші (30-гвардиялық) дивизияның тарихына қатысты естелік фотосуреттер мен құжаттар табысталды. Сонымен қатар мектеп музейін құру және оқушылардың патриоттық тәрбиесін одан әрі дамыту мәселелері талқыланды.
Құттықтау сөздерімен ардагерлер ұйымдарының, жұртшылықтың және Өскемен қаласы қорғаныс істері департаментінің өкілдері сөз сөйледі.
Шығыс Қазақстан облысы бойынша заң консультанттары Палатасы тарихи жадыны сақтау, жастарға патриоттық тәрбие беру және азаматтық құндылықтарды нығайтуға бағытталған іс-шараларға белсенді қатысуды жалғастыруда.
