2026 жылғы 1 маусымда Республикалық заң консультанттары алқасының құрамына кіретін Шығыс Қазақстан облысы бойынша заң консультанттары Палатасының өкілдері Шығыс Қазақстан облысы Ұлан ауданының тұрғындарымен өткен кездесуге қатысты.

Іс-шара «Amanat» партиясының Шығыс Қазақстан облыстық филиалы және Шығыс Қазақстан облысының Әділет департаментімен бірлесіп ұйымдастырылды.

Кездесу барысында азаматтарға Қазақстан Республикасы заңнамасының өзекті мәселелері бойынша түсіндірме жұмыстары жүргізіліп, оларды қызықтырған құқықтық мәселелер бойынша заң консультациялары берілді. Қатысушылар өз құқықтары мен заңды мүдделерін қорғауға қатысты түсініктемелер мен ұсынымдар алу үшін мамандарға жүгіну мүмкіндігіне ие болды.

Мұндай кездесулер халықтың құқықтық сауаттылығын арттыруға, білікті заң көмегінің қолжетімділігін қамтамасыз етуге және мемлекеттік органдар, заң қоғамдастығы мен азаматтар арасындағы өзара іс-қимылды нығайтуға ықпал етеді.