2026 жылғы 15 сәуірде Республикалық заң консультанттары алқасының құрамына кіретін Шығыс Қазақстан облысы бойынша заң консультанттары палатасы «Respublica» партиясымен бірлесіп «Халыққа арналған заңгерлер» акциясын өткізді.

Іс-шара Палата мен партия арасында жасалған бірлескен қызмет туралы Меморандум аясында ұйымдастырылып, халық үшін заң көмегінің қолжетімділігін арттыруға бағытталды.

Акция барысында азаматтарға әртүрлі мәселелер бойынша құқықтық кеңестер беріліп, қолданыстағы заңнама нормалары түсіндірілді.

Осындай іс-шараларды өткізу халықтың құқықтық сауаттылығын арттыруға, сондай-ақ кәсіби заң қауымдастығы мен қоғамдық институттар арасындағы өзара іс-қимылды нығайтуға ықпал етеді.

Республикалық заң консультанттары алқасы азаматтарға тегін заң көмегін көрсетуге және олардың құқықтарын қорғауға бағытталған өңірлік палаталардың бастамаларын қолдайды.