2026 жылғы 23 ақпанда Республикалық заң консультанттары алқасының (РЗКА) құрамына кіретін Ақмола облысы заң консультанттары палатасының мүшелері Сайдалина Г.С. және Ломакин В.Г. «AMANAT» партиясының өкілдерімен және «Әділетті және Прогрессивті Қазақстанның Халықтық Конституциясы үшін!» жалпыұлттық коалициясының Ақмола өңірлік штабы мүшелерімен бірлесіп, Степногорск қаласындағы «Viamedis» ЖШС медициналық қызметкерлерімен кездесуге қатысты.

Кездесуге сондай-ақ Қазақстан Республикасы Парламенті Мәжілісінің депутаты Альберт Рау қатысты.

Өз сөзінде заң консультанты Г.С. Сайдалина жаңа Конституция жобасында әрбір адамның денсаулығын сақтауға және медициналық көмек алуға құқығы бекітілгенін атап өтті. Оның айтуынша, медицина қызметкерлері – тек орындаушылар ғана емес, мемлекеттің әлеуметтік кепілдіктерін іске асырудағы негізгі қатысушылар.

Кездесу барысында медицина қызметкерлерінің еңбек құқықтарын қорғау, лайықты еңбек жағдайларын қамтамасыз ету және медициналық сала мамандарының өмір сүру сапасын арттыру мәселелеріне ерекше назар аударылды. Қатысушылар өздерін толғандырған сұрақтарын қойып, пікірлері мен ұсыныстарын білдіріп, қоғам мен мемлекет арасындағы ашық диалогтың маңыздылығын атап өтті.

Іс-шараның жалпы қамтуы – 40 адам.