2026 жылғы 27 ақпанда Республикалық заң консультанттары алқасының (РЗКА) құрамына кіретін Ақмола облысы заң консультанттары палатасының мүшесі Б.Қ. Пшенбаева «AMANAT» партиясының өкілі Айбек Силеухадырмен бірлесіп Жарқайың аудандық Мәдениет үйінің ұжымымен кездесу өткізді.
Кездесу барысында Қазақстан Республикасы жаңа Конституциясы жобасына ұсынылып отырған өзгерістер талқыланды.
Заң консультанты Б.Қ. Пшенбаева өз сөзінде мәдениет саласының өкілдері үшін жаңа Конституция жобасы шығармашылық еркіндік мемлекеттік деңгейде мәдениеттің құндылығын мойындаумен және оны сақтау міндетімен үйлесетін орнықты әрі болжамды құқықтық орта қалыптастыратынын атап өтті. Бұл креативті индустрияларды дамытуға, қоғамдық мәдени бастамаларды қолдауға және мемлекет пен шығармашылық қауымдастық арасындағы сындарлы диалогты нығайтуға мүмкіндік береді.
Кездесу барысында Конституция жобасындағы негізгі түзетулердің мазмұны мен маңызы кеңінен талқыланды. Атап айтқанда, адам құқықтары мен бостандықтарын қорғауды күшейту, билік тармақтары арасындағы өкілеттіктерді нақтылау, жергілікті өзін-өзі басқару жүйесін жетілдіру және заң үстемдігін қамтамасыз етуге бағытталған жаңашылдықтар түсіндірілді.
Іс-шараның жалпы қамтуы – 11 адам.
